fbpx

Consumo responsable

Consumo responsable

Amosando 1–9 de 11 resultados

  • Mapa ecosocial de Galicia

    21,50

    O obxectivo desta obra é trazar un mapa ecosocial da nosa terra. Fai unha fotografía actual, para coñecer o contexto e determinar cales son os eidos nos que debemos avanzar para conseguir unha sociedade máis xusta, equitativa e respectuosa co medio.

    A obra permítenos retratar as dúas crises que debemos afrontar como sociedade: a crise ecolóxica (o cambio climático, a crise da biodiversidade, o esgotamento dos recursos enerxéticos, os incendios forestais etc.) e a crise social (de desigualdade, de coidados, de calidade de vida etc.). Cada capítulo vén ademais con infografías e cun cadro de boas prácticas que recolle proxectos e iniciativas que xa están a traballar nas posibles solucións.

    , ,

  • CRAC!

    19,90

    Unha breve historia da economía. Da Grecia Antiga ao século XXI

    Como os cartos, a falta deles, a insanidade e a inmoralidade construíron o mundo máis próspero de todos os tempos.

    Coiro, plumas, peixe seco, sal groso, cachaça, tabaco: todos estes artigos xa foron usados como moeda corrente. Con todo, o que de verdade funcionou foi outra cousa: o diñeiro falso, esa creación da Grecia Antiga que hoxe levas na carteira.

    Crac! fai un paseo por 12 000 anos de civilización e traza parelismos entre o pasado e o presente para explicar como funcionan as moedas, a inflación, as burbullas e o ir e vir infinito entre a euforia e a depresión da economía. Dunha economía cíclica que sempre se repite.

    Con este libro, has entender como os tulipáns, Isaac Newton, Homer Simpson e as carabelas explican o mundo do diñeiro. E saber mellor que facer e non facer co teu.

    Podes ver unha mostra do libro en ISUU ou en PDF.

    ,

  • Árbores que non arden

    19,00

    As mulleres na prevención de incendios forestais

    Nunha panorámica superficial do mundo do lume, a presenza de mulleres resulta aparentemente anecdótica. A súa visibilidade nos distintos escenarios do complexo quebracabezas que supón a problemática dos incendios forestais en Galicia é moi reducida; demasiado…

    Fagan memoria das noticias sobre a autoría dos lumes, das imaxes do servizo de extinción, dos comités da administración autonómica, ou dos foros de debate sobre os lumes, o ordenamento e a xestión do territorio. É que elas non prenden? Non apagan? Non deciden? Non reflexionan sobre os incendios forestais, as súas causas e consecuencias?

    Para tentar dar resposta a estas preguntas, o equipo do proxecto Batefogo reúne neste volume achegas de diferentes autoras que, desde a súa disciplina, reflexionan sobre o papel das mulleres na prevención e extinción dos incendios forestais.

    Podes ver unha mostra do libro en ISUU ou en PDF.

    , , ,

  • Lote Océanos e ruta a pé con Volta Montana

    34,50

    Non hai dúbida de que o mar forma parte da identidade galega e da súa vida económica, pero tamén é incuestionable que o mar de hoxe non é o que coñeceron os nosos avós. O libro dos océanos é un retrato detallado para afondar e entender as relacións entre a actividade humana e os cambios que sofre o mar na actualidade.
    Este lote de libro máis ruta con Volta Montana é un agasallo estupendo (para esa persoa que che veu á cabeza e tamén para ti mesmo) para desfrutar da natureza da nosa terra e coñecer o estado do meirande e máis descoñecido ecosistema da Terra.

    , ,

  • Permacultura

    19,00

    Unha caixa de ferramentas para deseñar un mundo mellor

    Velaquí unha caixa de ferramentas coas que facer fronte á crise ecolóxica, social e sistémica mundial. Atoparemos neste libro unha visión global da permacultura que abrangue historia, referentes, trazos característicos e recursos. O autor completa ademais a súa achega coa presentación de proxectos activos en Galiza que traballan cara á transición. Coñecer esta vangarda galega servirá de estímulo ao empoderamento e o emprendemento doutros proxectos de transformación ecosocial.

    Con esta obra non coñecerás só os trazos puramente ecolóxicos da permacultura, senón tamén os aspectos sociais, económicos e persoais. Ademais de vivirse no campo e na natureza, a permacultura vívese nas relacións entre as persoas e coa contorna, e nas iniciativas de comunidade.

    Podes ver unha mostra do libro en ISUU ou en PDF.

    , ,

  • Lote limpeza e leite corporal

    21,50

    Inclúe un exemplar de Limpeza creativa e leite corporal Muuhlloa cun desconto do 10 %.

    Leite corporal Muuhlloa


    O leite corporal Muuhlloa está elaborado con leite de vaca ecolóxico, con alto contido en vitaminas, proteínas e minerais que nutren, suavizan e hidratan. Favorece o aumento da produción de coláxeno axudando a manter a pel tersa e elástica.

    O oleato de milenrama ecolóxico (Achillea millefolium) achega todas as propiedades da planta á pel. Deste xeito actúa como purificante altamente rexeneradora e cicatrizante.

    ,

  • O libro dos océanos

    O libro dos océanos

    21,50

    Verteduras de petróleo, sobrepesca, illas de refugallos plásticos… Hai tempo que os nosos mares deixaron de ser fonte de saúde, alimento e benestar. Nas últimas décadas, a contaminación e o espolio dos océanos aumentaron de forma notable. Mais cal é o auténtico estado do meirande ecosistema da Terra? Malia levarmos vivindo dende sempre do mar e co mar, hoxe en día segue a ser un dos territorios máis descoñecidos do planeta. Esta falta de coñecemento podería converterse na ruína do océano e, en consecuencia, na ruína do ser humano.

    Cun deseño atractivo e informativo, e textos ben documentados, co apoio científico da German Ocean Foundation, Esther Gonstalla crea neste libro un retrato detallado que nos permite comprender mellor as relacións que existen entre a actividade humana e os cambios que sofre o mar, un retrato que, alén de convidar á reflexión, se converte nun recurso para a acción.

    Libro en tapa dura, tamaño A4.

    Podes ver unha mostra do libro en ISUU ou en PDF.

    ,

  • Xuízo aos humanos

    16,00

    Os animais do planeta Terra reúnense na selva para celebrar un xuízo extraordinario. Acusan o ser humano de crimes atroces: calumnias, maos tratos e xenocidio.

    É realmente o Homo sapiens unha ameaza para a vida terrestre, unha especie arrogante, cruel e asasina? Ou pode aínda redimirse perante o resto dos animais? Chegou a hora de se enfrontar á Lei da xungla.

    Podes ver unha pequena mostra en Issuu ou descargala en PDF

    ,

  • Biodiversidade

    18,50

    Cara a unha sexta extinción masiva.
    Nunha indiferenza case xeral, o noso planeta entra nunha fase de extinción masiva provocada polo ser humano, a sexta desde que a vida se diversificou na Terra hai 500 millóns de anos. Cales son os mecanismos e as causas principais e como evitar ou limitar esta sexta extinción?

    Podes ver unha pequena mostra do libro en Issuu ou descargala en PDF

    ,

Uso de cookies

Informamos por cuestións legais de que este sitio manexa testemuños (cookies técnicas) para facilitar a navegación e a xestión da sesión de usuario.
Catro Ventos Editora non recolle nin procesa información persoal. Para revisar a nosa política de cookies pincha na ligazón. ACEPTAR

Aviso de cookies