Viraventos
Apoia a editora!
Na Economía Social e Solidaria (ESS) é moi habitual a intercooperación, a contratación e intercambio de servizos e o apoio mútuo entre persoa e entidades. É por isto que poñemos en marcha un xeito de arrexuntáreste a nós!
Viraventos é o nome do noso programa de apoio á editora, que parte dunha achega de 40 € e conleva unha serie de vantaxes. Queremos sumar a túa enerxía para darlle pulo ao proxecto, manter a súa viabilidade e aumentar o número de publicacións no futuro. Sigue lendo!
En que consiste?
Cunha única achega de 40 € gozarás das seguintes vantaxes
- 1 libro gratis a escoller entre todas as obras do noso catálogo *
- O 25 % de desconto en todos os demais pedidos na web sen gastos de envío **
- Un 5 % de desconto nos nosos servizos editoriais.
- Acceso ao boletín Viraventos. Recibe información de xeito anticipado, acceso a promocións exclusivas e moitas máis sorpresas.
* sen gastos de envío; suxeito a dispoñibilidade de stock
** non acumulable a outras promocións; sen gastos de envío mais miremos polo planeta xuntando varias obras en cada envío!
Como me fago Viraventos?
Subscribirse é moi sinxelo
- Engade á cesta a túa «Subscrición ao programa Viraventos». Ao continuar co pedido, indica no apartado Observacións o libro que queres recibir gratis.
- Finaliza o proceso de compra pagando con tarxeta ou transferencia bancaria.
- Facilitarémosche o teu código viraventos e, con él, xa has poder facer pedidos na nosa web co 25 % de desconto.
A validez da subscrición é dun ano, polo que se a renovas antes de que venza o prazo, respectaremos o período completo e a túa nova subscrición comezará a contar a partir da data na que remate a anterior. A renovación da subscrición non é automática, polo que te avisaremos cando se aproxime a data de vencemento, para que poidas renovala se quixer.
Podo facerme Viraventos se son unha entidade?
Claro que si! Encantaríanos que a túa entidade nos apoiase!
Velaquí dúas formas de facelo:
- Se representas a unha persoa xurídica e queres apoiar a Catro Ventos porque compartes os nosos valores, colabora cunha achega económica e, a cambio, visibilizaremos o teu apoio na nosa web e en redes sociais. Escríbenos para solicitar máis información.
- Se es unha entidade da Economía Social e Solidaria (ESS) ou unha asociación proactiva (que traballa na defensa do medio ambiente ou na promoción do consumo responsable, a nosa lingua, o feminismo etc.) queremos premiar o teu traballo e a implicación da túa base social. Tanto se te apuntas ao programa Viraventos coma se non, ofrecemos un desconto do 10 % ás vosas persoas socias nos produtos que merquen directamente na nosa páxina web. Contacta connosco e pídenos o teu código de desconto. Despois só terás que comunicarllo ás túas asociadas para que poidan utilizalo. Na actualidade xa gozan deste desconto as persoas socias de Adega, AIS O Peto, Amigos da Terra, Coop57, Espazo Nido, Espazocoop, Fiare, Nosa Enerxía, REAS Galicia e Semente Vigo.*
* Este desconto non é acumulable a outras ofertas; se unha persoa pertence a varias entidades só poderá utilizar un código. Catro Ventos Editora resérvase o dereito a decidir a que entidades lles ofrece este código de desconto e activación/desactivación do mesmo. Consulta coa entidade asociada as condicións específicas.
