Libros que conversan
As obras do noso catálogo falan entre elas, como habitantes dunha fraga. Unhas acóchanse á sombra das outras ou saltan de póla en póla, mais todas medran xuntas.
Os lotes de Catro Ventos son atados con obras afíns cun desconto do 10 % xa aplicado no prezo. Títulos seleccionados para amarralos en curto, para coñecer a fondo o eido que os vencella e levalos aos estantes das persoas que gustan de ler (e agasallar) lecturas conscientes.
Lote do Agro
Velaquí un conxunto de obras que falan da contorna e da nosa pegada. Tres obras nas que atoparás unha análise da situación actual do chan no que pisamos, construímos e cultivamos, das mulleres invisibilizadas no coidado dos montes, tamén fronte aos lumes, e a chave da porta da permacultura coa que aprenderás a cultivar de xeito respectuoso.
Inclúe:
- A degradación invisible do solo
- Árbores que non arden
- Permacultura (1.ª edición)
Lote Practiquiño
Tres títulos imprescindibles para acadar un consumo consciente: coñecerás a crise sistémica sobre a cal xira a emerxencia climática, aprenderás a desfacerte do uso ou consumo de plásticos e contarás con consellos e receitas respectuosas co medio para manter limpo o fogar.
Inclúe:
- A bolsa ou a vida
- Adeus, plástico!
- Arrecende a limpo