A lingua é esencial para entendermos a identidade do noso pobo, polo que, ás portas do Día de Galicia, non se nos ocorre unha publicación máis acaída ca o limiar d’A lingua en 2050.
Neste texto, Fernando Ramallo, coordinador e coautor do libro, relata de que xeito a reflexión «Como imaxinas a situación da lingua galega no 2050?» deu pé a un espazo de debate literario en que unha manchea de persoas autoras, con visións diversas e mesmo discordantes, procuran responder a outra pregunta: «Que facer?».
