As dúbidas habituais
A nosa web
Rexistro
Como podo rexistrarme?
Entra en A túa conta e introduce o teu correo electrónico e o contrasinal que queres empregar para acceder de agora en adiante ao teu espazo persoal do noso sitio web.
Que fago se esquecín o meu contrasinal?
Na páxina A túa conta, fai clic en Esqueciches o teu contrasinal? e recibirás un correo electrónico cos pasos para poder recuperalo.
Como podo cambiar o meu contrasinal?
Accede ao teu espazo cos teus datos de inicio (nome de usuario e contrasinal) e fai clic en Cambiar contrasinal.
Que garantías teño de que os meus datos están protexidos?
Todos os datos de carácter persoal, é dicir, toda aquela información que permita identificarte como individuo, que che solicitemos e recompilemos a través de calquera das operacións que realices no noso sitio web son totalmente confidenciais e contan coas máximas garantías de seguridade e integridade.
En ningún momento cederemos os teus datos persoais a terceiros nin os destinaremos a fins diferentes dos previstos.
Como podo deixar de recibir novidades e boletíns de Catro Ventos Editora?
Podes darte de baixa facendo clic na mensaxe «Deixar de recibir os boletíns e novidades de Catro Ventos» incluída ao pé de calquera dos correos electrónicos informativos que che enviemos ou remitirnos un correo a comercial@catroventos.gal indicando o correo que queres dar de baixa do noso servizo de novidades.
Aviso legal - Termos e condicións
Que supón o uso da nosa web?
Na sección Aviso legal has atopar unha descrición detallada de aspectos legais como a nosa política de privacidade, uso de cookies, dereitos de propiedade intelectual etc.
A editora
Quen somos
Quen somos?
Catro Ventos Editora é unha cooperativa de traballo asociado sen ánimo de lucro. Está formada por unha equipa multidisciplinar de profesionais da tradución, da edición e da comunicación.
Co gallo do noso quinto aniversario (2021), publicamos o artigo Aires de cambio no noso blog e nel explicamos con detalle a visión e a misión do noso proxecto. Tamén podes obter máis información na sección A editora.
Programa Viraventos de apoio á editora
Que é Viraventos?
Viraventos é o nome do noso programa de apoio á editora. A nós permítenos unha maior estabilidade económica e recoñecer e premiar as lectoras e entidades máis fieis. Podes ver en detalle como funciona na páxina do programa Viraventos.
Como funciona?
Existen dúas modalidades: o Viraventos 30 e o Viraventos 50. Co primeiro, adiantas 30 euros e consigues un desconto do 15 % en todo o noso catálogo; co segundo, o adianto é de 50 euros e o desconto, do 20 %. Podes obter máis información sobre este peto aquí.
Ecoedición
Que significa «ecoedición»?
En Catro Ventos Editora tentamos que os nosos produtos teñan o menor impacto ecolóxico posible. Por iso procuramos reducir a pegada ecolóxica eliminando materiais de orixe fósil (coma os plásticos), reducindo as emisións contaminantes (por exemplo, no transporte) e empregando substancias biodegradables que non xeren residuos tóxicos (por exemplo, nas nosas tintas). Describímolo con máis detalle aquí.
Que é o selo «Aquelado en Galicia»?
Un dos principios reitores do noso proxecto é o compromiso coa contorna. Ademais, por definición, a editora está comprometida coa defensa da nosa lingua e a nosa cultura. Por iso creamos este selo, que lembra que todas as fases da produción dos nosos produtos se realiza en Galicia.
Principios e valores
Que é a economía social e solidaria?
A economía social e solidaria (ESS) é un modelo no que os principios éticos, ambientais e sociais son cando menos igual de importantes ca os principios económicos e profesionais. Na editora decidimos que queriamos rexernos polos seis alicerces recollidos na Carta de Principios de REAS (a Rede de Redes de Economía Alternativa e Solidaria): a equidade, o traballo digno, a cooperación, a sustentabilidade ecolóxica, a repartición xusta da riqueza e o compromiso coa contorna.
Que é a auditoría social?
Un xeito de medir e autoavaliar o noso compromiso coa economía social e solidaria é realizar cada ano a Auditoría social de REAS. Esta ferramenta gratuíta permite valorar os avances logrados, mais tamén atopar espazos de mellora na práctica cotiá da nosa actividade. Nesta ligazón podes ver o resultado da nosa auditoría do ano pasado.
O blog
Que podes atopar no noso blog?
Dentro do noso sitio web contamos cun espazo destinado á publicación de textos breves con reflexións sobre cuestións que nos interesan, de materiais complementarios das nosas obras ou de resumos das novas relacionadas coa actividade da editora. Podes atopalo aquí.
Boletín de novidades
Que podes atopar no noso boletín?
Un bo xeito de saber que andamos argallando é subscribirse ao noso boletín de novidades. Tentamos que teña unha frecuencia mensual e nel adiantamos novidades editoriais, anunciamos eventos e presentacións, compartimos información que cremos que pode resultar interesante para a nosa comunidade lectora e mesmo realizamos algún que outro sorteo. Podes subscribirte aquí. Tamén podes seguirnos nas nosas redes sociais: Facebook, Instagram ou LinkedIn.
Os nosos produtos
Especializacións
Que tipo de obras publicamos?
En Catro Ventos estamos especializadas na publicación en galego de obras relacionadas con cinco eidos temáticos: a ecoloxía, a economía social, o consumo responsable, os dereitos humanos e a crianza alternativa.
Publicamos tanto traducións como obras de creación propia e os nosos libros teñen formatos moi variados: ensaio divulgativo, guías prácticas, ficción, banda deseñada… Visita a nosa tenda para consultar o noso catálogo.
Onde mercar?
Onde podo mercar as vosas publicacións?
Podes adquirir os produtos de Catro Ventos a través de calquera das seguintes vías:
- Na sede e punto de venda oficial da editora, ubicada no espazo de traballo colaborativo Espacio Nido, na rúa Ferrería, 25, baixo – Vigo (Pontevedra). Agradecemos que avises con antelación, para estar seguras de estar aí para atenderte.
- En calquera das librarías, establecementos e asociacións que figuran na sección Puntos de venda.
- A través da tenda en liña do noso sitio web.
- En todas as librarías de Galicia, e mesmo de fóra dela, servidas pola distribuidora Consorcio Editorial Galego.
Se es dunha entidade local e desexas incorporar as nosas obras a un concello ou biblioteca, as nosas novidades tamén se atopan no Sistema de Adquisición de Novidades Editoriais da Xunta de Galicia.
Librarías
Teño unha libraría e gustaríame vender os vosos produtos.
Se che interesa converterte en punto de venda de todos os nosos produtos ou simplemente dun produto concreto, podes cubrir o formulario de contacto presente na nosa web ou entrar en contacto connosco a través do noso correo comercial@catroventos.gal.
Se traballas coa distribuidora Consorcio Editorial Galego contacta directamente con eles para trasladarlles o que precises para facerte coas nosas obras.
Outro tipo de establecemento
Teño outro tipo de establecemento (grupo de consumo, tenda de produtos ecolóxicos etc.) e gustaríame vender os vosos produtos.
O noso obxectivo é que os produtos que editamos cheguen ao maior número de xente posible. Por tanto, estamos interesadas en estar presentes en calquera establecemento, asociación ou colectivo afín aos temas que tratamos (economía social, ecoloxía, consumo sustentable, dereitos humanos e crianza alternativa).
Se che interesa converterte en punto de venda de todos os nosos produtos ou simplemente dun produto concreto, podes cubrir o formulario de contacto presente na nosa web ou entrar en contacto connosco a través do noso correo comercial@catroventos.gal.
Propostas de obras
Podo enviar unha obra para que a editorial valore a súa publicación?
Estamos abertas a examinar calquera proposta acorde cos eixos temáticos da editorial (economía social, ecoloxía, consumo sustentable, dereitos humanos e crianza alternativa) e cos principios polos que nos rexemos.
Podes enviarnos unha mostra da túa obra por correo electrónico a propostas@catroventos.gal e tentaremos darche unha resposta nun prazo razonable de tempo.
Os nosos servizos
Autoedición
Teño unha obra que quero publicar. Podedes axudarme?
Na editora traballamos unha equipa multidisciplinar de profesionais de distintos eidos: a tradución, o deseño gráfico, a comunicación… Se precisas axuda para autoeditar algún material, contacta connosco no correo electrónico: comercial@catroventos.gal. Podemos encargarnos de coordinar todo o proxecto ou simplemente botar unha man nalgunha fase específica.
Servizos editoriais
Que son os servizos editoriais?
Na editora ofrecemos todo o necesario para que unha peza gráfica, publicación ou obra poida levarse a cabo cos mellores estándares de edición. Se precisas axuda para editar un folleto, un cartaz, unha memoria, un dossier, ou mesmo unha páxina web podemos axudarche. E non só iso, xa que cubrimos todo o proceso de publicación, dende a idea até a comercialización.
De forma moi resumida, podemos establecer catro grandes fases: a preparación dos textos (tradución, revisión e/ou redacción), a preparación da parte gráfica (deseño gráfico, maquetaxe), a impresión (cando falamos de libros físicos) e a posprodución (deseño web, xestión de redes sociais etc.).
Revisa os nosos servizos editoriais e contacta connosco en comercial@catroventos.gal para que poidamos axudarche.
Pedidos
Pedidos
Como podo realizar un pedido a través da tenda en liña?
Para poderes realizar un pedido, selecciona a obra/obras que desexes e completa o teu rexistro durante o proceso de compra. Se xa es usuaria, poderás realizar comodamente a túa compra seleccionando os produtos que che interesen e incluíndoos na cesta de pedidos.
Canto tempo tardarei en recibir o pedido?
O prazo de entrega do teu pedido é de 3-4 días laborables para envío convencional ou gratuíto. Os envíos urxentes teñen un prazo de entrega de 1-2 días laborables. Recibirás unha notificación na data do envío a través do teu correo electrónico.
Hai unha cantidade mínima de pedido?
Os pedidos de mais de 25 € non teñen custos de envío asociados. Hai obras que custan menos dese prezo, polo que paga a pena pedir dúas e aforrar os custos de envío. ?
Podo mercar na web e recoller os produtos nalgún establecemento?
Se o destino do teu pedido está en Vigo, podes achegarte á nosa sede a recollelos en horario de 9:00 a 12:00 de luns a venres (consúltanos para outros horarios). Infórmanos se queres recollelo nalgún dos nosos puntos de venda e xestionarémolo.
Como podo anular un pedido?
Calquera pedido realizado a través da nosa tenda en liña pode anularse sempre e cando o envío non estea en curso, é dicir, sempre e cando non recibises aínda o noso correo de confirmación de pedido enviado.
Para anulalo, contacta directamente connosco no correo pedidos@catroventos.gal.
Envíos e devolucións
Cales son os custos de envío?
- Os pedidos de máis de 25 € dentro do territorio nacional non teñen custos de envío.
- Os pedidos menores de 25 € dentro de España implican uns custos de envío de 3,50 euros.
- Os pedidos urxentes teñen un custo de 5 euros.
- O custo dos pedidos ao extranxeiro dependerán do país de envío. Podes enviarnos un correo a pedidos@catroventos.gal e informarémosche dos mesmos.
Cales son os prazos de envío?
O prazo de entrega dos pedidos é de:
- 3-4 días laborables para pedidos efectuados co método de envío convencional ou gratuíto.
- 1-2 días laborables para pedidos efectuados co método de envío urxente.
Se pasados estos prazos non recibiches o teu pedido remítenos un correo a pedidos@catroventos.gal co recibo do teu pedido para verificar cal é o estado do mesmo e resolver calquera incidencia ao respecto.
Os pedidos que inclúan un título en prevenda, enviaranse unha vez esté dispoñible ese título para o envío.
Podo devolver un produto despois de mercalo?
Poderás solicitar a devolución de calquera dos nosos produtos en caso de que non se correspondan co pedido que realizaches, se están en mal estado ou son defectuosos. Nese caso Catro Ventos correrá cos custos de envío da devolución.
A subsanación do erro ou substitución cun novo envío non suporá ningún gasto para a persoa que o adquiriu e en ningún caso se procederá á devolución da contía do pedido.
Que debo facer se recibo un artigo incorrecto ou defectuoso?
Se un produto está en mal estado, ten algún defecto ou non se corresponde con aquilo que mercaches, ponte en contacto connosco en pedidos@catroventos.gal e concretaremos a mellor maneira de resolver o problema.
Catro Ventos comprométese a enviarche o antes posible e en perfecto estado o produto que adquiriches inicialmente.
Pagamentos
Cales son os métodos de pagamento aceptados?
A través da web podes pagar o teu pedido dos seguintes xeitos:
- Pago con tarxeta: admitimos o pagamento de todo tipo de tarxetas a través do TPV SumUp.
- Pago mediante transferencia bancaria: fainos transferencia á conta e remítenos o xustificante para axilizar o envío do pedido.
Podo obter unha factura dos produtos mercados?
Para obter unha factura do teu pedido marca a casa correspondente e completa os datos indicados ao facer o pedido. Se esqueciches facelo, contacta connosco en pedidos@catroventos.gal indicando o número do teu pedido e os teus datos de facturación para emitirche a factura correspondente.
Que é o CCV?
É un código de seguridade de tres díxitos situado na parte posterior da tarxeta de crédito e destinado a garantir que o usuario ten acceso físico á tarxeta que pretende empregar.
Trátase dunha medida de seguridade adicional para evitar a fraude en liña e mirar pola fiabilidade das operacións de compra e venda na rede.