fbpx

Acochador

23/05/2018 Catro Ventos

En Educazione per un mondo nuovo (‘Educación para un mundo novo’), Montessori fálanos dun colchonciño suave para mover o bebé.

O acochador (tamén coñecido polo seu equivalente italiano: topponcino) pode facerse facilmente na casa. Trátase dun colchón de dimensións ovaladas cunha altura de como máximo 2 cm, de ao redor de 40 × 60 cm, realizado cun moletón suave pero acolchado para que sexa relativamente ríxido e cuberto por unha funda extraíble de liño ou algodón. O voso neno sempre estará apoiado no acochador, mesmo cando o teñades no colo ou o poñades na súa cadeira no coche. Este colchón ten o obxectivo de protexelo en calquera situación e vai facer que se sinta ben nos brazos de calquera persoa, evitando que lle cambalee a cabeza. Ademais, atopar en calquera situación o cheiro familiar do acochador hao calmar nos momentos de choro.

Fragmento do libro: Como liberar o potencial do voso neno, de Daniela Valente.

Daniela Valente, do sitio web www.montessori4you.it, permitiunos publicar as imaxes do seu artigo sobre como construír un acochador na casa (tiradas á súa vez do sitio web Le coin Montessori).

Para creardes un acochador, precisades dos seguintes materiais:

– Moletón de algodón ecolóxico (de non máis de 2 cm de alto)

-Tecido de algodón ecolóxico

-Máquina de coser ou agulla e fío

-Compás

Primeiro de todo, cómpre debuxar o patrón. Nunha cartolina, trazade a forma do acochador coas seguintes medidas:

 

Debuxade un cadrado ABCD onde AB = 30 cm, BC = 37 cm e M sexa a metade de AD.

Colocade a punta do compás no M e trazade un semicírculo de A a D.

Facede o mesmo co lado BC.

Para preparar o recheo, colocade o moletón enriba do patrón e recortádeo.

Rematádeo ao redor para evitar que se desfaga.

 

Deseguido, colocade dous cachos de tecido enriba do patrón e recortádeos a unha distancia de 1,5 cm, de xeito que quede espazo abondo para coselos.

 

Nunha das dúas teas, facede un corte a un terzo de altura que vos permita tirar comodamente o recheo cando sexa necesario lavar a funda. Se queredes, rematade o corte coa máquina para que non esfiañe.

Parte de atrás da funda:

 

Parte de diante da funda:

 

Colocade unha funda sobre a outra e cosede derredor. Se queredes, podedes enfeitar o acochador cun volante.

 

Agora só falta colocar dentro o recheo, e xa está listo para acochar o teu meniño!

, ,

Catro Ventos

Catro Ventos Editora S. Coop. Gal. ofrece os mellores libros sobre ecoloxía, economía social, consumo responsable e educación e crianza alternativas.

Deixa unha resposta

Uso de cookies

Informamos por cuestións legais de que este sitio manexa testemuños (cookies técnicas) para facilitar a navegación e a xestión da sesión de usuario.
Catro Ventos Editora non recolle nin procesa información persoal. Para revisar a nosa política de privacidade pincha na ligazón. ACEPTAR

Aviso de cookies