fbpx

Adeus, plástico!

19,90

Chaves para unha vida sen residuos.

Sabías que, na historia de vida do plástico, só se reciclou menos do 10 % producido; que na natureza hai espalladas 6300 millóns de toneladas de plástico e que xa se atoparon microplásticos en alimentos como o azucre, o sal ou o mel? 

Este libro explica o panorama actual con cifras e datos chave, e está ateigado de consellos prácticos para cambiar os nosos hábitos e reducir os refugallos que xeramos en todos os aspectos da nosa vida cotiá. Un vademécum indispensable para ler, reler, subliñar, ter á man para consulta e chegar sempre á mesma conclusión: reducir é o R máis importante de todos e o noso futuro e o do planeta pasan por deixar de usar plástico e materiais desbotables até chegarmos a un residuo case cero. 

Dispoñible (pode reservarse)

O plástico é un potente símbolo de modernidade, pero tamén das súas contradicións. As toneladas de residuos que infestan os océanos e os microplásticos que amezan a nosa saúde son o reflexo dunha sociedade baseada no crecemento ilimitado e no consumo sen control. A batalla contra o plástico xa está en andamento. Porén, con tantas dúbidas e sobreinformación, ás veces queremos cambiar de hábitos e non sabemos como.

Adeus, plástico! propón suxestións para varios niveis de implicación: principiantes que comezan a familiarizarse co tema, expertos que xa levan tempo tomando medidas para reducir a súa pegada ecolóxica e profesionais, empresas e institucións cuxo impacto ambiental ten maior repercusión. Elisa Nicoli (a autora de Limpeza creativa) e Chiara Spadaro explican o panorama actual con cifras e datos chave, deixan ao descuberto o problema dos plásticos de usar e desbotar (para o ambiente e tamén para a saúde humana), falan das consecuencias da obsesión pola reciclaxe e as alternativas posibles, e propoñen múltiples recursos e recomendacións prácticas para pasar á acción e vivir comodamente sen plástico.

Autoría

Elisa Nicoli

Elisa Nicoli (1980) naceu en Bolzano (Italia) e traballa como documentarista, xornalista, educadora ambiental e autoprodutora. Especializada en sustentabilidade e nunha forma de vida natural, é autora de diversas obras en italiano, entre elas, L’erba del vicino (‘A herba do veciño’), Rifiuti Addio. Perché prevenire è meglio di riciclare (‘Adeus desperdicios. Por que previr é mellor ca reciclar’) tamén en colaboración con Chiara Spadaro, L’Italia selvaggia (‘A Italia salvaxe’) e Limpeza creativa, traducido ao galego por María Mediero e publicado por Catro Ventos Editora (3.ª ed.). É posible ler máis sobre ela e os seus proxectos en elisanicoli.it e e autoproduco.it. 

Chiara Spadaro

Chiara Spadaro naceu en Roma e licenciouse en Antropoloxía Cultural. Escribe dende hai 10 anos para a revista mensual Altreconomia, onde se ocupa principalmente de temas ambientais, socioculturais e relativos ao terceiro sector. É autora de numerosos libros en italiano: Il frutto ritrovato (‘O froito reencontrado’), Piccolo è meglio (‘Pequeno é mellor’) e Vademecum per la Biodiversità (‘Vademécum sobre a biodiversidade’) e Canapa revolution. Tutto quello che c’è da sapere sulla cannabis (‘Cánabo revolution. Todo o que hai que saber sobre o cannabis’). En 2015, gañou o premio para xoves xornalistas Massimiliano Goattin co proxecto Cemento Arricchito e, en 2013, recibiu os premios de xornalismo Penna d’oca, Alfio Menegazzo e Agricoltura Civica Award.

autoria

Características

Peso 0.425 kg
Dimensións 1.5 × 15.3 × 21.5 cm
ISBN

978-84-122499-9-6

FORMATO

Encadernación rústica cosida

Nº PÁXINAS

240

XÉNERO

Manual práctico, Divulgación

Hache prestar tamén...

Uso de cookies

Informamos por cuestións legais de que este sitio manexa testemuños (cookies técnicas) para facilitar a navegación e a xestión da sesión de usuario.
Catro Ventos Editora non recolle nin procesa información persoal. Para revisar a nosa política de privacidade pincha na ligazón. ACEPTAR

Aviso de cookies