fbpx

A bolsa ou a vida

17,00

O 99 % contra a emerxencia climática

Se o petróleo fose un batido de chocolate, xa estariamos sorbendo e facendo ruídos raros. A transición cara ás renovables preséntasenos como a alternativa, pero é tal alternativa se a vía escollida nos aboca a seguirmos sendo no noso día a día peóns dunha partida de xadrez que enfronta o capitalismo contra toda forma de vida do planeta?

A bolsa ou a vida, Salvador Lladó presenta dunha forma clara, didáctica e amena diferentes perspectivas da actual crise ecolóxica: desde a causa central (a necesidade imperiosa de medrar do noso sistema económico), pasando polo seu principal síntoma (a emerxencia climática, posta ademais aquí en relación coa pandemia da covid-19), até unha serie de propostas políticas (ecosocialismo, Green New Deal, decrecemento…) que nacen da necesidade de lle pór freo a un ritmo de produción e destrución da natureza sen precedentes. Estas páxinas servirán para demostrar que ese freo é posible: velaquí un paquete de medidas para dicir non á bolsa e un si rotundo á vida.

Podes ver unha mostra do libro en PDF, aquí.

Dispoñible (pode reservarse)

Tocounos vivir unha das épocas máis transcendentes da historia da humanidade. O noso día a día lévanos a ser peóns dunha partida de xadrez que enfronta o capitalismo contra calquera forma de vida presente no planeta.

N’A bolsa ou a vida, Salvador Lladó presenta dunha forma clara, didáctica e amena diferentes perspectivas da actual crise ecolóxica: desde a causa central (a necesidade imperiosa de medrar do noso sistema económico), pasando polo seu principal síntoma (a emerxencia climática), até unha serie de propostas políticas (ecosocialismo, Green New Deal, decrecemento…) que nacen da necesidade de lle pór freo a un ritmo de produción e destrución da natureza sen precedentes. Ese freo existe: unha vía baseada na cooperación imprescindible do 99 %, unha vía capaz de substituír o mantra do crecemento económico ilimitado polo do benestar social e da biodiversidade do planeta. Velaquí un paquete de medidas para dicir non á bolsa e un si rotundo á vida.

Publicado orixinalmente en catalán en febreiro de 2020 e reeditado e ampliado en abril de 2020, a presente edición galega parte desta segunda edición na que o autor expón nun clarificador epílogo a relación intrínseca que existe entre a pandemia causada polo SARS-CoV-2 e a emerxencia climática.

Inclúe un prólogo á edición galega de Manuel Casal Lodeiro (fundador e coordinador da revista 15/15\15).

Esta obra recibiu unha subvención da Consellaría de Cultura, Educación e Universidade da Xunta de Galicia.

Autoría

Salvador Lladó

Salvador Lladó Fernández (Tarragona, 1983) é doutor en Microbioloxía Ambiental e Biotecnoloxía, e traballa na investigación de solucións baseadas na natureza para aumentar a mitigación e adaptación ao cambio climático. É membro fundador do Observatori Crític del Canvi Climàtic e membro do Comité de Expertos sobre o Cambio Climático, designado polo Parlamento de Cataluña. Tamén afirma que ten pasado por algunha xuntanza de Extinction Rebellion Barcelona, mais non hai probas que o confirmen.

Manuel Casal Lodeiro

Manuel Casal Lodeiro (Barakaldo, 1970). Activista e divulgador do colapso civilizatorio en marcha. Coordina o Instituto Resiliencia e a revista 15/15\15. É autor d’A esquerda ante o colapso da civilización industrial e Nosotros, los detritívoros.

autoria

Características

Peso 0.200 kg
Dimensións 1.2 × 17 × 23 cm
ISBN

978-84-122499-6-5

FORMATO

Encadernación rústica cosida

Nº PÁXINAS

132

XÉNERO

Divulgación, Ensaio

Hache prestar tamén...

Uso de cookies

Informamos por cuestións legais de que este sitio manexa testemuños (cookies técnicas) para facilitar a navegación e a xestión da sesión de usuario.
Catro Ventos Editora non recolle nin procesa información persoal. Para revisar a nosa política de privacidade pincha na ligazón. ACEPTAR

Aviso de cookies