Neste ano (pos)pandémico, démoslle moitas voltas ao catálogo de publicacións para traerche as mellores lecturas conscientes en galego. No que vai de 2021, levamos publicados 4 títulos ben dispares e interesantes para o ollo atento, pero quedan aínda moitos meses por diante de sorpresas. Queres saber máis? Sigue lendo!
As novidades deste ano: canto libro chulo!
A vulva contra o patriarcado
En febreiro publicamos a nosa primeira banda deseñada: A froita do coñecemento, un traballo proposto por David A. Álvarez, que traduciu dende o sueco este libro que fala da cona. E lo, non se fala abondo dela? Pois si, pero sen saber. O patriarcado sempre tivo moito que dicir sobre a cona pero… ás mulleres pouco lles preguntaron ao respecto. Atrévete con esta banda deseñada que no só ilustra, tamén fai escachar coa risa e mesmo anoxarse un pouco con algún que outro personaxe.
Bota un ollo ao interior aquí ou mira como explican a editora e o tradutor a obra neste vídeo que fixemos para o FLIV21.
O que ocorre baixo os nosos pés
Felices, por que non?
Estados de emerxencia (climática)
O que está por chegar: prepárate que veñen curvas
Lecturas conscientes por vir
Freamos, si… pero onde cómpre. E, en canto a publicacións se refire, aínda temos corda para máis obras conscientes para a segunda metade do ano. E ti, persoa subscriptora, vas saber antes ca a ninguén o que andamos a argallar.
- Comando igualdade. O machismo incúlcase na infancia e a mocidade ten moito que dicir nas aulas en prol da igualde entre sexos. Esta obra comandada por Chis Oliveira e Priscila Tamara Rematozo conta a historia deste movemento vigués que busca desaprender condutas sexistas e pór en práctica os valores de equidade, empatía e corresponsabilidade de forma colectiva e horizontal. Soñamos cun comando en cada centro de ensino!
- «Como imaxinas a situación da lingua en 2050». Esta foi a pregunta que fixemos a 25 persoas ligadas ao galego (xornalistas, profesorado, escritoras, políticos…). N’A lingua en 2050 (título provisional), recollemos a súa visión de como estaremos, mais tamén os seus desexos de como lles prestaría estar. Soñar é de balde e é o primeiro paso para virar o rumbo e pór en práctica medidas de urxencia.
- Adeus plástico: nadamos nun mar de plástico cada día. Se xa sabemos o que nos fai a nós e ao medio ambiente, por que non damos reducido o seu consumo? A nosa pegada plástica pode baixar a mínimos coas propostas e consellos que atoparás nesta obra de Elisa Nicoli (a autora de Limpeza creativa) para levar a cabo a diario. Todo, mellor sen envases!
