Dereitos humanos (5)
  • img-book

    Verteduras de petróleo, sobrepesca, illas de refugallos plásticos… Hai tempo que os nosos mares deixaron de ser fonte de saúde, alimento e benestar. Nas últimas décadas, a contaminación e o espolio dos océanos aumentaron de forma notable. Mais cal é o auténtico estado do meirande ecosistema da Terra? Malia levarmos vivindo dende sempre do mar e co mar, hoxe en día segue a ser un dos territorios máis descoñecidos do planeta. Esta falta de coñecemento podería converterse na ruína do océano e, en consecuencia, na ruína do ser humano.

    Cun deseño atractivo e informativo, e textos ben documentados, co apoio científico da German Ocean Foundation, Esther Gonstalla crea neste libro un retrato detallado que nos permite comprender mellor as relacións que existen entre a actividade humana e os cambios que sofre o mar, un retrato que, alén de convidar á reflexión, se converte nun recurso para a acción.

    Libro en tapa dura, tamaño A4.

     


    O libro dos océanos. Acerca da ameaza dos mares by: Esther Gonstalla 21,50

    O libro dos océanos.

    Acerca da ameaza dos mares

    Accidentes en plataformas petrolíferas, remuíños de refugallos plásticos, sobrepesca…: hai tempo que os mares deixaron de ser unicamente lugares de saudade e paraísos vacacionais; nas últimas décadas, a contaminación e o espoliación aumentaron de forma notable. Pero como lle vai en realidade ao meirande ecosistema da Terra? Malia que levamos dende sempre vivindo do mar e vivindo co mar, hoxe en día segue a ser un dos últimos territorios descoñecidos do planeta. Se até a Lúa está mellor investigada que as xigantescas masas de auga que tan importantes son para a Terra. Precisamente esta falta de coñecemento podería converterse na ruína do océano, e a nosa ruína! Para poder protexer este ecosistema tan sensible cómpre que entendamos mellor as relacións que existen entre a acción humana e os os cambios que sofre o biótopo mariño. Con este obxectivo, O libro dos océanos fai un completo retrato dos riscos e das oportunidades que permite ver claramente as relacións e interdependencias. Inclúe 45 gráficos de deseño atractivo e fáciles de comprender.

  • img-book

    Actividades inspiradas no método Montessori. 0-2 anos

    Unha guía práctica, chea de actividades e xogos con obxectos sinxelos que podedes atopar pola casa, e moitos consellos e suxestións interesantes —todos eles en liña cos principios do método Montessori— entre os que poder escoller aqueles que mellor reflictan a personalidade e o período sensible de pequenos de ata dous anos de idade. Os cativos non son obxectos cos que pór en práctica as nosas propostas, senón persoas que precisan un ambiente preparado con coidado, con moitas actividades diferentes e estimulantes que respondan ás súas necesidades de tocar, manipular, explorar con todos os sentidos, alimentando e sostendo o proceso natural de crecemento de cada neno


    Como liberar o potencial do voso neno by: Daniela Valente 18,50

    Como liberar o potencial do voso neno,

    Actividades inspiradas no método Montessori. 0-2 anos

    É un libro práctico para os pais, con moitos consellos para pór en práctica co neno, actividades sinxelas con obxectos que é doado atopar pola casa e suxestións inspiradas nos principios de filosofía montessoriana, que considera que o cativo necesita un ambiente adicado a el e preparado con tento, con moitas actividades diferentes para que el mesmo escolla a máis axeitada segundo a súa necesidade de tocar, manipular, explorar con todos os sentidos, alimentando e sostendo a evolución natural do crecemento de cada pequeno.

    Na primeira parte, a autora asenta un pouco as súas ideas sobre a mellor maneira de educar os nenos, explica os principios da filosofía Montessoriana, acompañándoos dunha xustificación que os apoia e describe os materiais necesarios para realizar as actividades que suxire o libro. Na segunda parte, propón actividades e consellos para estimulalos e axudar a que desenvolvan diversas destrezas de forma autónoma. En cada actividade explica cales son os seus beneficios, porque facela dun xeito e non doutro, os materiais precisos e a fase de desenvolvemento na que mellor pode funcionar.

  • img-book

    Cando valoramos traducir As mulleres e os homes, escrito hai corenta anos, pensabamos que se cadra estaría desfasado porque disque neste tema a sociedade foi avanzando. En efecto, desde 1978 até 2018 producíronse moitos cambios, e, por sorte, case sempre para mellor. (Os lectores de máis idade han poder comprobar agora eses cambios ao leren este libro.)

    Así e todo, as mulleres non só non desfrutan de moitos privilexios que semellan reservados para os homes, senón que seguen a sofrer en todo o mundo grandes discriminacións.

    Aquí podes ver unha mostra do libro en ISUU ou descargala en PDF.


    As mulleres e os homes by: Equipo Plantel e Luci Gutiérrez 14,00

    As mulleres e os homes

    As mulleres e os homes forma parte dunha colección de catro títulos pensada para os lectores máis novos que publicou entre os anos 1977 e 1978 a editorial barcelonesa La Gaya Ciencia. O ditador Franco morrera só un par de anos antes e o país estaba a vivir unha etapa —a Transición— que achegaría os primeiros cambios democráticos.

    Cando valoramos traducir este libro escrito hai corenta anos, pensabamos que se cadra estaría desfasado porque disque no tema das mulleres e os homes a sociedade foi avanzando. En efecto, desde 1978 até 2018 producíronse moitos cambios, e, por sorte, case sempre para mellor. (Os lectores de máis idade han poder comprobar agora eses cambios ao leren este libro.)

    No entanto, aínda hai moito que facer para acadar a igualdade entre xéneros. O mellor camiño é a educación: ninguén pode pór en dúbida o feito de que as mulleres e os homes somos iguais e temos os mesmos dereitos. Cómpre erradicar os comportamentos machistas da vida cotiá e combater os abusos para poder atinxir un mundo igualitario, que sería —para todos— un lugar mellor para vivir.

    Aquí podes ver unha mostra do libro en ISUU ou descargala en PDF.

  • img-book

    Este libro fai parte dunha colección de catro títulos pensada para os lectores máis novos que publicou entre os anos 1977 e 1978 a editorial barcelonesa La Gaya Ciencia.

    O ditador Franco morrera só un par de anos antes e o país estaba a vivir unha etapa —a Transición— que achegaría os primeiros cambios democráticos. Xa pasaron case corenta anos desde aquela e pensamos que o espírito e a maior parte da letra deste libro está completamente vixente, polo que decidimos volver editalo con novas ilustracións.

    Aquí podes ver unha mostra do libro en Issuu ou descargala en PDF.


    Así é a ditadura by: Equipo Plantel e Mikel Casal 14,00

    Así é a ditadura

    Este libro fai parte dunha colección de catro títulos pensada para os lectores máis novos que publicou entre os anos 1977 e 1978 a editorial barcelonesa La Gaya Ciencia.

    O ditador Franco morrera só un par de anos antes e o país estaba a vivir unha etapa —a Transición— que achegaría os primeiros cambios democráticos. Xa pasaron case corenta anos desde aquela e pensamos que o espírito e a maior parte da letra deste libro está completamente vixente, polo que decidimos volver editalo con novas ilustracións.

    Dos textos unicamente tocamos algunha coma (así que non podemos dicir que non tocamos nin unha coma), pero non lle suprimimos nin engadimos nada ao seu contido. No esencial, as ideas e os comentarios son perfectamente válidos, o mesmo que acontece co test, que tamén reproducimos sen alteracións. Convidamos a todos os lectores a o contestar.

    Aquí podes ver unha mostra do libro en Issuu ou descargala en PDF.

  • img-book

    Un libro para seguir as pisadas de millóns de persoas refuxiadas. Esta crónica en imaxes relata un dos fitos fundamentais da nosa historia recente; un percorrido gráfico pola crise humanitaria que axita a conciencia de Europa. Un retrato colectivo que ilustra as condicións de vida nas principais vías de entrada ao continente.

    Bótalle un ollo en ISUU aquí ou descarga o PDF.


    A ruta dos refuxiados by: Unai Beroiz, Felipe Carnotto, Adrián Irago, Cristian López, Juan Teixeira, 16,00

    A ruta dos refuxiados

    É nas miradas onde se agochan a maioría de respostas dos refuxiados e este libro trata, precisamente, sobre a mirada. Sobre a ollada de tres fotógrafos galegos que documentan a maior crise humanitaria que viviu a chamada Unión Europea, miradas propias cun elemento común: o foco posto nas vítimas e o lente orientado ao seu contexto.

    Páxinas feitas de miradas de terror, de recordos que apenas poden contarse con palabras; de miradas que nos miran, preguntando como e por que este trato, de que fixeron para merecer tal desprezo; de olladas cheas de abulia e desconfianza entre quen os recibe; de miradas que berran inxustiza; de miradas cargadas de angustia e desesperanza, pasada, presente e futura.

    Por cada exemplar vendido destinarase 1 euro á organización de axuda aos refuxiados escollida polos autores que neste caso é DO YOUR PART.

    Bótalle un ollo en ISUU aquí ou descarga o PDF.

Uso de cookies

Informamos por cuestións legais de que este sitio manexa testemuños (cookies técnicas) para facilitar a navegación e a xestión da sesión de usuario.
Catro Ventos Editora non recolle nin procesa información persoal. Para revisar a nosa política de cookies pincha na ligazón. ACEPTAR

Aviso de cookies